COMO AFECTA Á CRISE AOS MOZOS E MOZAS?

Eu como moza, penso que a crise sí que nos afecta a toda a xuventude.

Cando antes podíamos ir cada mes a comprar algo de roupa, actualmente non se pode facer iso. Eu por exemplo, antes ía a comprar algo por puro capricho, agora, só o podo facer cando necesito algo concreto, ou teño que facer algún regalo.

O mesmo ocorre cando por exemplo, un grupo de amigos queda unha tarde para dar unha volta. Antes ao mellor, non saían do quiosco de comprar todo tipo de doces, agora, entran unha vez en toda a tarde, e para comprar o mínimo. Qué vos di isto? Pois que os mozos, ven como na súa casa se está a pasar por un tempo bastante malo. Algúns teñen os pais en paro, e só reciben 5 euros cada semana, outros, os xa maiores de idade, vense na obriga de buscarse algún traballo que poidan compaxinar cos seus estudos, para poder así, aportar algo na casa.

Outro exemplo de que a crise sí que afecta a xuventude, é, por exemplo, os mozos que antes ían a moitas actividades extraescolares, como son estar nun equipo de futbol, baloncesto, ir a natación, ou calquera outro tipo de deporte ou actividade, teñen a obriga, tanto como si é dos pais, ou unha obriga que se fan eles mesmos, de deixar de practicar o dito deporte ou actividade.

Despois de ver estes poucos exemplos, podemos sacar a conclusión de que a crise sí que afecta nos afecta, e cada vez faino máis, e máis axiña. Dende moi pouca idade, os rapaces xa se dan conta do que está a ocorrir coa economía das súas casa na actualidade.

Tania Silva Carrera 1ºBach B

CÓMO AFECTA A CRISE AOS MOZOS ACTUAIS?

A crise con respecto aos niveis de consumo non afecta aos adolescentes xa que os niveis de consumo de drogas, por exemplo, é máis amplo ou o mesmo que hai uns anos. 5,68 millóns de españois consumen alcol, e cada vez dáse máis nos mozos de 20 anos; según unha estatística de 2009.

Os xoves non toman conciencia da crise xa que hai uns anos, cando recibiron a súa educación, os seus pais lle proporcionaban todo o que necesitaban, sen embargo, agora algúns deses pais que antes dispoñían de cartos, agora poden estar pasando aunténticas penurias para chegar a fin de mes ou mesmo estar pedindo cartos prestados para que non lle quiten a casa e non ter que vivir á intemperie, e a maioría das cousas que fan, os xóvenes non saben aprecialas. Moitos deses pais non teñen para a educación privada que lles proporcionaban aos seus fillos, ou inclusive unha paga semanal ou mensual que ahora ansían recuperar. Os adolescentes, en cambio, non entenden que non lles poidan comprar o novo modelo de i-pad ou que non lles poidan dar diñeiro para a entrada dun concerto ou para unhas vacacións cos seus amigos; diñeiro que, por outra parte, se emprega para comprar comida ou pagar a casa ou piso, para subsistir.

Poñamos un exemplo para que se vexa a evidencia: o nadal. No nadal os adolescentes, eu incluída, estamos acostumados a regalos caros ou un produto novo que acabe de saír ao mercado. Sen embargo, cando vemos envolto o paquete duns calcetíns, pixama ou camiseta desilusionámonos porque esperabamos que os nosos pais nos poidan dar todo o que nos deron.

Poñamos outro exemplo, o entroido. No entroido non se conforman con poñer o disfraz do ano pasado, ou facelo en casa aproveitando telas; non. No entroido o que queren é estrear disfraz, en lugar de ver o que poderían facer con eses cartos. Algúns compran a tela e mándano facer sen pensar o desembolso de cartos que iso supón para os seus pais, outros cómprano; pero, aínda por riba, quéreno exclusivo, diferente dos demais, o que os leva a gastar unha porcentaxe de diñeiro aínda maior.

Un artigo do xornal ‘Da Vanguardia’ datado en Novembro do ano 2005 dí que máis de tres millóns de persoas adolescentes son vítimas da moda e do consumismo. Un terzo dos adolescentes españois defínense como ‘’caprichosos’’. Nesa data os adolescentes consumistas representaban un 7,4% da poboación e os estudos indicaban que en 2010 rozarían os 4 millóns, de idades comprendidas entre 13 e 19 anos. Con respecto ao sector da roupa, gástanse algo máis de 2.400 millóns de euros en tendas como Zara, Stradivarius e Bershka.

Sara Ríos Pérez

1º BACHILLERATO B

ESTÁ A SERVIR A CRISE ECONÓMICA GLOBAL PARA QUE A XUVENTUDE TOME CONCIENCIA DUN CONSUMO RESPONSABLE?

Vivimos nun século no que os nosos pais e avós poden contrastar a diferencia de dúas épocas, pois naceron e creceron en época de crise, xa que a fame era común entre as familias, algunhas das necesidades primarias volvíanse secundarias, como por exemplo o uso da roupa, xa que normalmente uns herdaban a roupa doutros durante dúas ou tres xeracións aproveitándoas ao máximo. Outra desas necesidades, é a hixiene; nas casas non había auga corrente, nin electricidade, co cal, para manter a hixiene persoal, levaba un traballo previo, xa que se tiña que ir a buscar auga á fonte e para quentala era preciso ir a por leña ao monte para facer o lume. Todo requería un traballo. A xeraxión de 1970 notou este cambio, como xeración máis cercana aos adolescentes actuais, pois os nosos pais pertencen a esa xeración, e por defecto os nósos avós.

Actualmente a nosa xeración descoñece os traballos da mocidade de antes, pois dende pequenos non tiñamos obrigas, nin necesidades que nos obrigasen a pasar necesidade de nada. Xa dende pequenos levamos tendo unha vida de comodidades, o que para nós son cousas básicas, fai unha década era algo inpensable.

Agora estamos a vivir no seo doutra crise económica, que nos afecta dun modo máis acentuado, xa que vimos de estar toda unha vida acomodados e mantidos dunha forma pouco costosa para nós. Hoxe en día, elementos que non están clasificados de primeira necesidade para a nosa xeración son imprescindibles, xa que dentro das necesidades básicas, como son o alimentarse, un fogar, ou simplemente relacionarse, atribuímos o estar conectados entre nós mediante redes sociais, ou competir entre nós con marcas comerciais de calquera tipo de ben de consumo non básico. Isto xera unha competencia por ter máis cos demais e polo tanto un nivel de vida medio-alto. O que fai que ao caer nunha depresión económica, non nos mentalicemos do que nos temos que privar para axudar a nosa propia familia e a nós mesmos xa que temos como costume os hábitos que nos inculcaron de cativos.

Aínda que fagamos un esforzo nesta etapa de depresión e tomemos mentalidade dun consumo responsable, teremos en mente que soamente será un fragmento no tempo, e que xa ben sexa cedo ou tarde, isto rematará e poderemos seguir cos nosos costumes e coa nosa calidade de vida, xa que a nósa mentalidade está libre de preocupacións e só prevemos o bon por vir, e non estamos dispostos a deixar escapar oportunidades dun alto nivel de vida nestes momentos, xa que temos en conta a nosa idade; pois se falamos de xuventude falamos dunha etapa única, irrecuperáble, na que a duración na súa estancia non ten prezo.

Ana Gil Trigo, 1º Bacharelato B

ESTÁ A SERVIR A CRISE ECONÓMICA GLOBAL PARA QUE A XUVENTUDE TOME CONCIENCIA DUN CONSUMO RESPONSABLE?

A continuación imos presentar a nosa argumentación en contra do tema en cuestión.

Para iso imos poñer a vosa disposición enlaces con información que o corroboren. O primeiro punto a ter en conta é:

-Cremos en realidade que a xuventude toma conciencia do seu consumo?

Nunha época de crise como a que estamos vivindo agora debemos ter en conta que os adolescentes miran máis polas súas prioridades, como poden ser:                                                                                        renovar o gardaroupa, comprar unha consola de nova xeración ou abastecerse de alcol para o botellón do sábado noite. Os mozos seguen unha sociedade que impón unha serie de canons para poder “encaixar” nela, e se para iso teñen que comprar o ultimo modelo de consola ou a roupa máis moderna pois vanno a facer, porque a maioría da xuventude pensa soamente no que están a vivir agora, non no que estrán a vivir dentro duns anos.

Según un estudo do  instituto DEP  realizado en Cataluña para l´institut Catala de consum, o 72,4% dos mozos afirman que lles gusta moito ou bastante mercarse cousas para eles mesmos. Estes datos afirman que aínda que tamén prefiran facer outro tipo de actividades como: quedar cos seus amigos, escoitar música, facer deporte etc, o consumo tamén se convertiu nunha das súas actividades que lles divirten e motivan.

Cando os mozos teñen que realizar unha compra,  un 30,8% fíxanse  no precio do produto, un 25,6% fíxase na estética do produto e só o 2,5% menciona se a compra de ese produto é necesaria. Do mesmo xeito, 7 de cada 10 mozos din que habitualmente só compran cousas que estén de moda, feito que é moito máis frecuente nas mulleres (78,1%) e menos frecuente nos homes (62,7%).

Como podemos ver, por os anteriores porcentaxes, en xeral os mozos non son moi responsables a hora de economizar nas súas compras e moito menos de comprar simplemente por pura necesidade aínda habendo esta enorme crise na que estamos sumidos.

Pero a pregunta é serán conscientes do mal que está o mundo hoxe en día co tema da crise? ou simplemente escoitan crise pero como a moitos deles non lle toca vivir a peor parte desta non a toman en serio?, porque eles igual miran nas noticias a xente que non ten que comer nin onde durmir pero igual eles pensan que iso nunca lles vai pasar a eles e por iso seguen as súas vidas facendo o mesmo ca sempre comprando por comprar etc.

Igual o que lles faría falta sería máis información de xente que está a sufrir esta crise para decataranse do mal que se pode pasar, xa que eles non levan unha casa, facturas, comida etc.

Jennifer Cancelas Ríos y  1º Bac B
María Riobó Antepazo      

A CRISE ECONÓMICA MUNDIAL: A QUÉN AFECTA?

En xeral a crise económica afecta a todos os países e en cada un deles pasa o mesmo, é dicir, en España por causa desta crise moitas familias quedaron sen traballo, moitos establecementos pecharon porque a xente xa non pode mercar tanto como antes, ao aumentar o desemprego aumenta  o número de parados e todo isto lévanos a un bucle que parece que non ten fin. Todo está relacionado entre si, as familias ao non ter cartos non pode mercar os produtos que se venden nos establecementos, e estes vense obrigados a pechar.

Isto non é todo, moitas familias por mor do desemprego foron desaloxadas das súas casas por non poder pagalas, quedando así desamparadas.

Pero como xa comentamos anteriormente non só pasa isto en España, tamén pasa noutros países como por exemplo en Estados Unidos onde buscando por internet concretamente nun foro que se chama “yahoo respuestas” onde a xente pode opinar libremente sobre o tema  que se está a preguntar, nesta páxina atopei un comentario de alguén que reside en Estados Unidos que comenta un pouco como son as cousas por ese entorno, os acontecementos que pasan a causa da crise non son moi diferentes caos do noso país, afecta aos traballadores, as familias, empresas....

En xeral temos que a crise unha vez que afectou a un país o cal era por asi dicilo un país rico en cartos e que grazas a el outros países podían “moverse”, unha vez que ese país motor quedou afundido levou cn el a todos os países que de algún modo u outro estaban ligados a el, coma se un verme entrara  nunha mazá e empezará a roela, ao final toda a mazá acabaría apodrecendo como pasou coa crise, un enorme verme que se estendeu por todo o mundo.

Agora concretemos un pouco máis e vexamos como afecta a crise a os mozos, sabemos que a crise afecta a todo o mundo e que a meirande parte da poboación está a vivir uns momentos moi difíciles pero como estarán a levalo os máis novos?.

http://www.elmundo.es/elmundo/2012/10/01/espana/1349092210.html

Aquí podemos ver mediante unha enquisa aos xóves como o 21,6% aspiran a ter moitos cartos mentres que o 50% dos adolescentes aspiran a ser triunfadores, as mozas queren ser actrices e cantantes mentres que os mozos queren ser futbolistas e deportistas.

Por outro lado tamén hai algúns que no se interesan nada polos estudos. En resumo, podemos ver que hai un puco de todo,é dicir, algúns adolescentes teñen pensado ser alguén na vida e gañar moitos cartos,outros van decidindo as súas decisións con calma e outros esperan que terceiras persoas lle solucionen a súa vida/manteñan.

Autora: Jennifer Cancelas Ríos 1ºBAC B

CONSECUENCIAS DA CRISE NO CONSUMO DA XUVENTUDE

A crise económica iniciada no ano 2008 está a traer todo tipo de consecuencias tanto positivas como negativas. O punto negativo está maiormemente definido polo desemprego, especialmente entre os xóvenes, que ten sen traballar a máis de 5 millóns de españois.

No referente ao consumo é evidente que houbo un descenso deste e que paulatinamente téndese a controlar os custes familiares para tentar aforrar. E poderiamos pensar que este control realízase só por parte dos cabeza de familia pero tamén e co tempo en maior medida por parte dos máis pequenos da casa.  

Esta época está a servir para concienciar de que nestes tempos que corren debemos consumir os servizos fundamentais que precisemos para subsistir. Os adolescentes, mozos e mozas de entre 13 e 21 anos, que tenden a malgastar os poucos ingresos cos que contan, están a cambiar este hábito e pola contra tentan gastar o mínimo nas súas saídas. Se antes se reunían nalgún restaurante os fins de semana, ahora o fan nun establecemento de comida rápida. Se ben antes ían de compras todas as semanas, agora van unha vez por temporada e na súa maioría en período de rebaixas.

Tamén cabe considerar que a crise obriga a este descenso do consumo dos nosos mozos posto que non hai moito, practicamente calquera deles que contara cuns estudos básicos podía atopar traballo tanto na industria da construción ou na hostelería. Pero nestes momentos conseguir un oficio véndese moi caro e a formación que requiren é moito maior, o que por outra banda derivou en que moitos mozos e non tan mozos que no seu tempo abandonaron os seus estudos para poñerse a traballar, están voltando aos centros educativos para incrementar a súa formación académica. Así nos últimos cursos os alumnos matriculados na formación profesional aumentaron de maneira considerable. En definitva a crise non está a ser exclusivamente negativa posto que está incentivando un consumo responsable e está facendo que moitos MOZOS tomen conciencia de que necesitan duns estudos para poder dIsfrutar dun futuro digno.

Daniel Sobral Olivera

Non iPod, non iPhone, non iDiñeiro

Como comezar este artigo se non suscitándonos as cuestións que nos roldan pola cabeza unha e outra vez.

Esta crise afectará ao consumo da xeración dos medios? Á xeración do consumo? Unha xeración en constante contacto coa publicidade? De verdade pensamos que á mocidade do ``shopping´´ vai importarlle a actual crise económica unha vez que pase?

Nós, ante esta situación actual que enche constantemente os noticiarios con embargos, desaloxos,sentímonos indefensos, pero quizais somos os que menos, desde un punto de vista externo, sufrimos este problema económico. Preocupados? O xusto somos uns inconscientes? , aventúrome a dicir que si.

Cada ano, peor. Somos cada vez máis pobres e estamos cada vez máis endebedados: en España, o 21,8% dos fogares españois atópanse por baixo do limiar de risco de pobreza. É dicir, teñen menos de 627 euros por persoa ao mes para subsistir. O ano pasado, esta porcentaxe situouse no 20,7%.( Enquisa de Condicións de Vida do INE , Europa Press)

Pero ao a hora da verdade , quen nos prohibe ou nos permite comprar ?

Non somos nós os que decidimos como administrar os ingresos do noso fogar, nin os que contamos o diñeiro ao final de mes, polo tanto non existen preocupacións ,entretémonos cunha ou dúas series da televisión mentres outros nos arranxan os nosos problemas.

O ter os ollos pechados é moi cómodo.

Autor: Carlos Polo Rosales

A CRISE: LECCIÓN DE RESPONSABILIDADE PARA A XUVENTUDE

Sen unha peza, un puzzle non tería sentido, estaría coma incompleto. O mesmo ocorre co consumo dos mozos hoxe en día. A crise é un problema que estalle a servir aos adolescentes para poder tomar conciencia dun consumo  responsable. Case todolos días escoitamos dicir aos nosos maiores que para que queremos tantas cousas, pois eles antes contaban só con catro farrapos e eran máis felices ca nós. Do que non se dan conta é de que a sociedade, ademais de avanzar, cambia. Dende hai unha serie de anos atopámonos sometidos ante o gravisimo problema da crise mundial que desgraciadamente acabou coa felicidade de case toda a totalidade dos cidadáns. Pero dende o meu punto de vista coma adolescente, a crise estanos a servir coma lección de responsabilidade. Pode que antes os nosos pais podían enchernos de agasallos todos os días, pero hoxe en dia ese luxo só se o poden permitir unha moi mínima parte de xente. Antes acostumaba saír a tomar algo todas as noites coas miñas amigas, pero agora só quedamos unha vez cada semana. Eu, coma moitos mozos, encántame ir de compras e poder mercar todo o que queira, pero agora a meirande parte temos que agardar ás rebaixas para poder modificar o noso fondo de armario e así conseguir os mesmos artigos que antes custaban, por exemplo 40€, e collelo pola metade. A situación que cada un de nós ve a diario no seus fogares lévao a reflexionar sobre o consumo responsable, pois consumindo responsablemente axudaremos a economía familiar. Claramente, coma en todo, atopámonos con excepcións, pero se conseguimos que case a totalidade dos mozos adopte un consumo responsable teriamos como unha garantía para o futuro.

Este pasado Nadal resultou ser bastante duro para milleiros de familias, pois moitas delas non puideron agasallar aos seus pequenos. Nós, os adolescentes, segundo un estudio que atopei nun artigo do ABC, o 91% dos enquisados afirmou que se lle tocase a lotería do Nadal compartirían o seu premio cos seus familiares; se nos atopásemos noutra situación, isto non se daría do mesmo xeito senón que moitos de nós compraríamos algún capricho propio, por desgracia hoxe en día os caprichos non están presentes nas nosas vidas.

Xuntos debemos axudar aos nosos maiores a sacar adiante esta situación para asegurarnos un futuro moito mellor respecto a situación actual.

Autor: Laura Romero Rúa